25 майда Россия мөселман яшьләре берлеге Казанның “Котдус” мәчете белән берлектә яшьләр өчен көрәш буенча мастер-класс уздыра. Чара Карьер бистәсендә урнашкан 108нче мәктәптә үткәрелә, сәгать 17.00дә башлана. Керү ирекле.
Берлек җитәкчесе Марсель Сабиров сүзләренә караганда, мастер-класс уздырырга бокс, грек-рим көрәше һәм билбау көрәше буенча спорт осталары чакырылган. Моннан тыш дөнья чемпионы, кикбоксинг һәм кул көрәше буенча спорт мастеры, кикбоксинг буенча 8 Европа чемпионы тәрбияләгән Тиһран Аюбов катнаша.
Чара кысаларында “Котдус” мәчете имам-хатыйбы Рөстәм хәзрәт Вәлиуллин яшьләргә ислам өйрәткәнчә сәламәт яшәү рәвеше хакында вәгазь сөйләячәк.
