8 майда Бөгелмә мөхтәсибәтендә "Вәгазь -2014" дип аталган казыят конкурсы уздырылды. Әлеге вәгазь сөйләүне, халыкка ислам кыйммәтләрен җиткерү осталыгын сынаган чарада Урыссу, Лениногорск, Баулы һәм Чирмешән районнарыннан 4 вәгазьче катнашты. Имамнар үзләренең чыгышларында ислам тәрбиясе темасын ачарга кирәк иде. Һәр имам Коръән аятьләре, хәдисләрне, шулай ук татар дин белгечләре сүзләрен мисалга китереп һәм үзләренең сөйләм осталыкларын җигеп сөйләде. Тыңлаучыларга һәм жюрига бигрәк тә Ильяс хәзрәт Зиннәтуллинның вәгазь сөйләве ошады. Аңар беренче урын бирелде, калганнарның барысына да икенче урын аталды.
Әлеге чарада мөфти урынбасары Рөстәм хәзрәт Хәйруллин катнашты һәм ул жюри әгъзасы да булды.
Чара ахырында ветераннар һәм өлкән буын вәкилләрен Җиңү бәйрәме белән котлап мәҗлес оештырылды.
