Кабан арты мәчетенә йөрүчеләр май бәйрәмен Дәрвишләр бистәсендәге ятим балалар мәктәп интернаты янына агачлар утыртып үткәрделәр. Гомумән, Кабан арты мәчете мәхәлләсеннән бирегә беренче генә килүләре түгел, алар балаларны төрле чаралар үткәреп, бүләкләр белән дә сөендереп торалар. Мәчеткә йөрүчеләр сүзләренә караганда, балаларның өлкәннәр белән бергә кедр агачларын утыртулары бик оешкан төстә күңелле узган. Мәчет имамы Нурислам хәзрәт Ибраһимов әйткәнчә, сабыйларны куандыру һәм агачлар утырту ул зур саваплы эш булып тора.
