27 апрельдә Кайбыч районы мөхтәсибәте Олы Кайбыч авылының мәдәният йортында мәчетләрдә оештырылган "якшәмбе мәктәпләре"ндә укып йөргән балалар өчен "Коръән уку бәйгесе" һәм дини викторина оештырды. Әлеге күркәм чарада район имам-мөхтәсибе Дамир хәзрәт Гыйниятуллин, көньяк-көнбатыш төбәге казые Инсаф хәзрәт Җәләлетдинов һәм район җитәкчелеге, кунаклар катнашты.
Шулай ук бу көнне балаларга дини кыйммәтләрне җиткерүче, динебезне үстерүгә өлеш кертүче өлкәннәр дә зурланды.
