15 апрельдә нәзарәтнең дәгъват бүлеге җитәкчесе Нияз хәзрәт Сабиров һәм бүлек белгече Айрат Зарипов Түбән Камадагы ике төзәтү колониясендә булды. Биредә алар тоткыннар белән аралаштылар, аларның сорауларына җавап бирделәр.
Шулай ук төзәтү учрежденияләре китапханәләренә "Хузур" нәшрият йорты һәм Россия ислам институты чыгарган китапларны бүләк иттеләр. Нияз хәзрәт Түбән Кама шәһәре имам-мөхтәсибе Йосыф хәзрәт Дәүләтшин белән дә очрашты. Хәзрәтләр мөселманнарга кагылышлы мәсьәләләр турында, төзәтү колонияләрендә дини эшчәнлек алып бару хакында фикерләштеләр.
