Бүген көньяк-көнчыгыш төбәге казыяте “Фәнис” Уруссу мәдрәсәсендә имам-хатыйблар квалификациясен күтәрү буенча бер атналык курс оештырды. Әлеге курсларны үткәрүнең максаты чит илләрдә Идел буе татарларына хас хәнәфи мәктәбе һәм матуриди гакыйдәсен өйрәнгән, ислам фәннәре нигезләре буенча гыйлемнәре булган имамнарның белемен күтәрүдән гыйбарәт.
Азнакай, Баулы, Бөгелмә, Лениногорск, Ютазы һәм башка районнардан җыелган дин әһелләрен көньяк-көнчыгыш төбәге казые Марат хәзрәт Мәрданшин сәламләде. Марат хәзрәт гыйлем тупларга теләге булган барлык мөселманнарны әлеге курсларга йөрергә чакырды. Дәресләрне Әнвәр хәзрәт Хәмидуллин, Әбделхак хәзрәт Яхин кебек остаз мөгаллимнәр алып бара.
