Бүген Казанның Декабристлар урамында урнашкан, төзекләндерелә торган "Миргазиян" мәчете манарасына ай куелды. Әлеге күркәм чарада нәзарәтнең дәгъват бүлеге җитәкчесе Нияз хәзрәт Сабиров, мөфти урынбасары Илдар хәзрәт Баязитов, мәчет имамы Әзһәр хәзрәт, мәхәллә картлары катнашты.
Мәчеткә айны күтәргәндә хәзрәтләр, мәхәллә картлары Аллаһы Тәгаләне зурлап тәкъбир әйтеп тордылар. Аннары бер төркем мәхәллә халкы мәчет эченә кереп, анда барган төзелеш эшләре белән таныштылар. Мәчет эчендә дә Коръән догалары укылды, хәзрәтләр, картлар үзләренең изге теләкләрен җиткерделәр. "Бердәм булып яшәргә, шушы мәчетебезне мәхәллә халкы өчен динебезне ныгытучы бер урын итеп тотарга, Аллаһы Тәгалә кушканнарны үтәп яшәргә язсын", - дип доглар кылдылар.
Фоторепортаж: dumrt.ru/node/12910
