Буа мәдрәсәсендә кичке бүлектә укулар башланды. Кичке бүлектә уку башлану уңаеннан уздырылган тантаналы чарада район имам-мөхтәсибе Рөстәм хәзрәт Хәйбуллов, мәдрәсә җитәкчесе Рәшид Маликов, казыйлар Мәхмүт хәзрәт Шәрәфетдинов һәм Рөстәм хәзрәт Вәлиуллин, мәдрәсә мөгаллимнәре, кичке бүлеккә укырга җыелучылар катнашты.
Диния нәзарәте вәкиле буларак Рөстәм хәзрәт Вәлиуллин шәкертләрне Татарстан мөфтие исеменнән сәламләде һәм укуларында уңышлар теләде. Ул үзенең чыгышында гыйлем туплау мөһимлеген һәм халкыбызның милли гореф-гадәтләре Коръәнгә һәм сөннәткә нигезләнгән булуы хакында әйтте. Моны аңлар өчен динне өйрүнү кирәклегенә игътибар юнәлтте.
Шулай ук кичәдә тумышы белән Буа төбәгеннән булган Мәхмүт хәзрәт вәгазь сөйләде.
Бүгенге көндә Буа мәдрәсәсенең кичке бүлегенә күрше районнардан да килеп укыйлар.
