Бүген Татарстан мөфтие Камил хәзрәт Сәмигуллин “Мәрҗани” мәчетендә Казан шәһәре имам-мөхтәсибе Мансур хәзрәт Җәләлетдин белән очрашты. Хәзрәтләр очрашу вакытында Казан мөхтәсибәтенә кагылышлы мәсьәләләр, шәһәр мәчетләренең Корбан бәйрәменә әзерлеге һәм башкалар хакында сөйләштеләр. Дин әһелләрен Казанда дини традицияләрне һәм татар телен өйрәтүче балалар бакчалары җитенкерәмәве дә борчый.
Мансур хәзрәт мөфтине Казан мөхтәсибәтенең вакыф проектлары белән дә таныштырды.
