21 сентябрьдә ТР МДНдә мөфти Камил хәзрәт Сәмигуллин республиканың таможня хезмәте вәкилләре белән очрашты. Очрашуда “ДУМ РТ ХАДЖ” программасы җитәкчесе Руслан Нәфисуллин, Татарстан таможнясы башлыгы Альберт Мәүликов, аның урынбасары Максим Чмора, Казан аэропорты таможня бүлеге җитәкчесе Ленар Сәлимҗанов катнашты. Нәзарәт вәкилләре һәм таможня хезмәткәрләре хаҗиларга дәүләт чикләрен чыкканда булышлык күрсәтү, бу процессны уңайлырак итүгә кагылышлы мәсьәләләрне карадылар.
Мөфти белән очрашканнан соң таможня вәкилләре хаҗиларны озата баручы табиблар һәм төркем җитәкчеләре белән сөйләштеләр. Альберт Мәүликов изге сәфәргә җыенучыларга таможня хезмәте үзенчәлекләре турында сөйләде, шулай ук табиблар юлга ала торган дарулар, медицина җиһазлары хакындагы сорауларга җавап бирде.
“ДУМ РТ ХАДЖ” программасы җитәкчесе Руслан Нәфисуллин әлеге чарага йомгак ясап: “Төрле ведомстволар белән хезмәттәшлек итү нәтиҗәсендә без шактый мәсьәләләрнең чишү юлларын табабыз. Безнең хаҗиларыбызны кайгырткан таможня хезмәткәрләренә дә рәхмәтебез зур”, - диде.
Фоторепортаж: http://dumrt.ru/tt/node/9912
