"Хузур" нәшриятының яңа проекты- интернет мәдрәсә эшли башлады

“Хузур” нәшрият йорты яңа проект - baytalhikma.ru дип аталган интернет мәдрәсәне эшләтеп җибәрде.  http://www.baytalhikma.ru/ - ислам мәгарифе өлкәсендә дини гыйлем бирүче беренче интернет чыганак. Интернет мәдрәсә фәнни-укыту эшчәнлеген Коръәнгә һәм Пәйгамбәребез сөннәтенә таянып алып бара һәм  мәлики, шәфигый, хәнбәли, хәнәфи  мәзхәбләре өйрәтүләре аша  аңлатмалар җиткерә. Төп темалар: “Коръән”, “Сөннәт”, “Ислам өйрәтүләре”, “Ислам хокукы”, “Тарих”, “Телләр”.  Проектны Россиядә, Төркиядә, Мисырда, Иорданиядә, Согуд Гарәбстанында, Малайзиядә һәм башка илләрдә югары белем алган белгечләр гамәлгә куя. Биредә Татарстан мөфтие Камил хәзрәт Сәмигуллин, РИУ ректоры Рәфыйк Мөхәммәтшин, Darulfikr.ru порталына нигез салган Әбу Али әл-Ашари һәм башкаларның лекцияләрен тыңларга мөмкин.