Казанда сатуга яңа китап чыкты - танылган автор Ибн Кәйим әл-Җәүзиәнең «Душа» (“Җан”) китабы.Әлеге китап теге –дөнья ахирәт турында. Автор Пәйгамбәребез Мөхәммәтнең (сгв) һәм аның сәхабәләренең хикмәтле сүзләренә таянып, үлемнән соңгы тормыш, теге –дөнья ахирәт темасын ача. Китаптан “Кыямәт көненә кадәр мәрхүмнәрнең җаннары кайда була?”, “Мәрхүмнәр каберлекләренә тере кешеләр килгәнне беләме?”, “Каберлектә газаплар мәңгелекме?” кебек һәм башка төр сорауларга җавап табарга мөмкин.Бу китап ТР МДНнең эксперт советы рөхсәте белән басылды. Татарстан мөфтие Камил хәзрәт Сәмигуллин кул куйган рецензиясе бар.
Яңа басманы Казанның П.Коммунасы урамында урнашкан “Рамазан” кибетеннән алырга мөмкин.
