17 июньдә Бөгелмә үзәк мәчетендә балалар өчен лагерьның икенче сменасы эшли башлады. Бу юлы мәчеткә мәктәп яшендәге кыз балалар җыелды. Барлыгы 50 дән артык бала килгән. Лагерьда алар белән Алсу абыстай Хәйруллина шөгыльләнә. Аңар “Фәнис” мәдрәсәсендә укучы мөслимә кызлар булыша. Биш мөслимә биредә практика уза.
Лагерьда балаларга дин сабаклары укытыла, махсус экскурсияләр оештырыла. Ике атналык лагерь түләүсез һәм анда йөрүчеләрне көнгә 3 тапкыр ашату да каралган.
