Ютазы мөхтәсибәтендә имамнар җыелышы үткәрелде

18 июньдә Ютазы районы имамнарының чираттагы киңәшмәсе үткәрелде. Район дин әһелләре җәй көне мәчетләрдә балалар лагерьлары оештыру турында сөйләштеләр. Шулай ук авыл муллаларын мәчетләрне газ белән тәэмин итү мәсьәләсе борчый. Бу хакта да фикерләр әйтелде. Моннан тыш имамнар грантларны бүлү, рамазан аена әзерлек хакында киңәштеләр, дип хәбәр итә Ютазы районы мөхтәсибәте.