29-30 май көннәрендә ТР МДН вәкилләре – мөфтинең беренче урынбасары Рөстәм хәзрәт Батыр, урынбасары Рөстәм хәзрәт Хәйруллин, уку-укыту һәм фән бүлегенең өлкән белгече Айдар хәзрәт Карибуллин Теләче һәм Ютазы районнарына эшлекле сәфәр кылдылар.
29 майда Рөстәм хәзрәт Хәйруллин Теләче имамнары белән очрашты һәм дин әһелләрен мөфти Камил хәзрәт исеменнән сәламләде. Ул район имамнары җыелышында имам-мөхтәсиб Исмәгыйл хәзрәт Фәләхиевка имам-мөхтәсиб вазыйфасын раслаучы шәһадәтнамә тапшырды. Бүгенге көндә Теләче районында 25 мәхәллә эшләп килә, шуның җидесен яшь имам җитәкли.
30 майда нәзарәт вәкилләре Урыссудагы “Фәнис” мәдрәсәсен тәмамлаучыларның диплом яклау чарасында катнашты. Шулай ук бу районда шәһадәтнамә тапшыру тантанасы булды. Ютазы районы имам-мөхтәсибе булып Марат хәзрәт Мәрданшин расланды. Аңар Камил хәзрәт исеменнән шәһадәтнамә бирелде. Ютазы районында 19 мөселман мәхәлләсе һәм бер мәдрәсә исәпләнә.
