29 майда Әлмәт шәһәре җәмигъ мәчетендә хатын-кызлар арасында Коръән уку ярышы үткәрелде. Конкурста 40 яшьтән өлкәнрәкләр катнашты. Әлмәт районы имам-мөхтәсибе урынбасары Әбүбәкер хәзрәт Абдеев мөселманнар өчен Изге китапны өйрәнү мөһимлеге турында сөйләде. Шулай ук катнашучыларны район хакимияте вәкиле Флүс Гарипов сәламләде.
Конкурста катнашкан хатын-кызларның гыйлемен мәдрәсә мөгаллимнәреннән торган жюри бәяләде.
Беренче урынны- Гөлфия Фәсхетдинова,
икенче урынны - Язилә Гәрәева,
өченче урынны - Суфия Кәримова алды.
Чараны оештыруда Әлмәт районы мөслимәләр иҗтимагый оешмасы җитәкчесе Миңнегөл ханым Мостафина зур тырышлык күрсәтте, дип хәбәр итәләр Әлмәт мөхтәсибәтеннән.
