Бүген Татарстан мөфтие Камил хәзрәт Сәмигуллин мөфтияттә Кувейт ислам фәннәре җәмгыяте (KSIS) директорлар советы рәисе шәех Хамат Әс-Синанны кабул итте. Мөфти Россия ислам университетының мактаулы докторын ТР МДН эшчәнлеге, Татарстан мөселманнары тормышы белән таныштырды. Камил хәзрәт нәзарәтнең китаплар бастыруга һәм мәгариф өлкәсенә аеруча игътибар юнәлтүе турында әйтте.
Үз чиратында галим кунак Татарстанга килүенә шатлануын белдерде һәм мөфтигә ярдәм күрсәтергә теләвен җиткерде.
Мөселман галиме Казанга рәсми сәфәре кысаларында РИУ һәм “Мөхәммәдия” мәдрәсәсе шәкертләренә лекцияләр укыячак.
