Кама Тамагы мәктәбендә имамнар факультатив дәресләр алып бара

Кама Тамагы мөхтәсибәте хәбәр иткәнчә, районның татар гимназиясе укучылары өчен факультатив дәресләр башланып киткән. Дәресләрне Россия ислам университетын тәмамлаган яшь остаз, Кама Тамагы мәчетенең имамы Раил хәзрәт Сабитов алып бара. 4нче сыйныфтан алып 7нче сыйныфка кадәр булган мәктәп укучылары өчен әдәп-әхлак, тәрбиягә багышланган әлеге дәресләр мәктәптә узган ел үткәрелә башлаган һәм агымдагы елда да бу матур традицияне дәвам итәргә булганнар.