Яңа Чишмә районы имам-мөхтәсибе Илгиз хәзрәт Әшрәпов хәбәр иткәнчә, районда 1 октябрьдән мәчет каршындагы дини укулар башланып китәчәк. Районның үзендә укулар Җәмигъ мәчетендә оештырыла, шулай ук 7 авыл мәхәлләсе дә укуларга зур игътибар биреп килә икән.
“Мәчетләр каршында эшләп килүче дини дәресләргә игътибарны киметергә ярамый, халыкны үзебезнең вәгазь-нәсыйхәтләребез белән генә түгел, гамәлләребез белән дә дин юлына даими чакырып торабыз. Аллага шөкер, араларында яшьләр дә бар, өлкән яшьтәгеләр дә. Буыннар арасындагы элемтә өзелми, бергәләшеп динебезне тарату өчен көч куябыз”, - дип билгеләп үтте Илгиз хәзрәт.
