Биектауда мәчетләр саны арта

Биектау районы имам-мөхтәсибе Тәлгать хәзрәт Гайфуллин билгеләп үткәнчә, соңгы айларда районда мәчетләр саны ишәя башлаган. Исегезгә төшерәбез, әле 24 августта гына Биектау районының Чыпчык авылында яңа мәчет ачылган иде. Бүгенге көндә исә яңа мәчетләрнең төзелеше ахырына якынлашып килә. Беренчесе – Биектауның үзендә, икенчесе – Шапшы авылында, өченчесе исә Березка авылында ачылачак. Әлеге өч мәчетне, мөхтәсиб билгеләп үткәнчә, Корбан гаетенә кадәр ачырга ниятлиләр.