31 августта “Апрель” тернәкләндерү үзәгендә Гыйлем көнен билгеләп үттеләр. ТР мөселманнары Диния нәзарәтенең хәйрия һәм ярдәм күрсәтү бүлеге вәкилләре дә үткәрелгән чарада катнашты.
Бу елда Үзәктә аутист балалар өчен махсус класс ачылган, шуңа да бүген “Апрель”дән 7 бала беренче сыйныф укучысы исемен алуга иреште.
Балалар өчен мәктәптәге кебек үк чын “туры сызык” (линейка) үткәрелде. Соңыннан аниматорлар булышлыгында махсус бәйрәм программасы тәкъдим ителде. Бәйрәм чәй табыны артында дәвам итте.
