30 августта Азнакай районында берьюлы өч бәйрәм – Республика көне, Азнакай шәһәренең 25 еллыгы һәм район нефтьчеләренең 70 еллыгы билгеләп үтелгән. Бәйрәм тантанасында төрле оешма җитәкчеләре, район башлыгы, администрация вәкилләре белән беррәттән район дин әһелләре дә катнашкан. Районның имам-мөхтәсибе Гамирҗан хәзрәт Якупов халык алдында мәгърифәтчелек, яшьләр белән эшләүнең зарурлыгы турында чыгыш ясаган һәм Коръән укыган.
“Район җитәкчелеге белән һәрбер мәктәптә атнага бер мәртәбә укучылар өчен вәгазь уку турында сүз кузгатылган, директорлардан рөхсәт булу белән, әлеге изге эшне башлап җибәрәчәкбез”, дип ассызыклады Гамирҗан хәзрәт.
