2012 елның 21 августында ТР мөселманнары Диния нәзарәтенең хәйрия һәм ярдәм күрсәтү бүлеге хезмәткәрләре Югары Ослан районындагы инвалидлар һәм өлкәннәр интернат-йортында булып кайттылар.
Интернатта яшәүчеләр өчен профессиональ артистлар тарафыннан махсус концерт программасы әзерләнгән иде.
Ураза гаетенә багышланган төп чарадан соң, олылар өчен подгузниклар һәм урын-җир кирәк-яраклары таратылды.
Әлеге бәйрәм чарасын оештыруга Казан шәһәренең яшь эшмәкәрләре иганәчелек күрсәтте.
