Бөгелмә шәһәре үзәк җәмигъ мәчетендә ТР Дәүләт Советы депутаты Харисов Ринат Гатин улы ифтар мәҗлесе оештырды. Мәҗлескә шәһәр һәм районның массакүләм мәгълүмат чаралары хезмәткәрләре чакырылган иде, имам-мөхтәсиб аларга традицион исламны таратуга керткән өлешләре өчен рәхмәтен җиткерде.
“Әгәр без 2-3 кешегә, әйтик, әти-әнигә карата ихтирам турында вәгазь сөйлибез икән, сез үз чиратыгызда радио, телевидение, газета-журналлар аркылы меңләгән укучыларга үз сүзегезне җиткерәсез, аларны каләм көче белән иманга чакырасыз. Бары тик бергә һәм бердәм эшләсәк кенә җәмгыятебездә барлыкка килгән төрле каршылыкларга каршы тора алачакбыз”, дип билгеләп үтте Рөстәм хәзрәт үз чыгышында.
