1 августтан “Болгар” радиосында Буа мәдрәсәсенә шәкертләрне укырга чакырып реклама уйнатыла башлады. Республикабызның әлеге мөселман уку йорты якын-тирә районнардан гына түгел, бөтен республикадан да укучыларны кабул итәргә тели. Мәдрәсәнең директоры Рәшид хәзрәт Маликов: “Мәдрәсәбезнең төп максаты – республикабыз өчен үзебезнең җирлектәге шәкертләрне укытып чыгару, әзерли торган дини кадрлар Татарстаннан булса икеләтә яхшы”, дип билгеләп үтте.
