Әгерҗе районы имам-мөхтәсибе Хәлим хәзрәт Якупов хәбәр итүенчә, 14 мартта районның мәгариф бүлегендә түгәрәк өстәл узган. Әлеге чара экстремизм, наркомания, яшьләрнең үз-үзләренә кул салу кебек замана афәтләренә каршы көрәшкә багышланган. Түгәрәк өстәлдә мәгариф бүлеге вәкилләре, православие һәм ислам дин әһелләре, районның мәктәп директорлары һәм завучлары, администрация вәкилләре катнашкан.
Православие һәм ислам дин әһелләре әлеге замана афәтләренә каршы көрәшне инде башлап та җибәргәннәр: мәктәпләрнең актлар залында 8-11 сыйныф укучылары белән очрашулар оештыра башлаганнар.
Мөхтәсибәттә 17 мартта Коръән бәйгесе үтәчәк, мөхтәсиб хәбәр итүенчә, конкурста катнашырга теләүчеләрнең саны җитмештән арткан.
