5 мартта Бөгелмәнең “Эссен” гипермаркеты җитәкчесе А.Ю.Павловка район мөхтәсибәте исеменнән рәхмәт хаты тапшырылды. А.Ю.Павлов “Мәрхәмәтлелек” акциясен оештыруга ярдәм күрсәткән – “Эссен” гипермаркетында мохтаҗлар өчен өс һәм аяк киемнәре җыю өчен ящиклар урнаштырган. Инде берничә ай рәттән, җирле халык белән тыгыз элемтә ярдәмендә, дистәләгән мохтаҗ гаиләләр шул рәвешле ярдәм алып тора. Гипермаркет җитәкчесе халыкның әлеге хәйриячелектә шундый зур активлык күрсәтүләренә шаккаткан. Әлеге акция үз офыгын тагы да киңәйтер һәм күпләгән мохтаҗ гаиләләргә ярдәм күрсәтелер дип өметләнәбез.
