2012 елның 28 февралендә Республика Мөфтие Илдус хәзрәт Фәйзов Тәтеш районының Тархан авылы халкы белән очрашты. Әлеге чарада имамнар, абыстайлар һәм авыл халкы катнашты. Очрашуда 300гә якын кеше килгән иде. Шулай ук район адимистрациясе башлыгы Чершинцев Валерий Сергеевич, район имам-мөхтәсибе Инсаф хәзрәт Җәләлетдинов та бар иде.
Илдус хәзрәт халык алдында Мәүлед укыды, күпләгән сорауларга җавап бирде. Мөселманнарны борчыган мәсьәләләрне уртага салып сөйләштеләр һәм бергәләшеп фикер алыштылар.
