Имам-мөхтәсиб Мирхәт хәзрәт Җамалиев хәбәр иткәнчә, февральдә Татарстанның Апас районы авылларында Мәүлид аена багышланган чаралар үтәчәк. 4 февральдә әлеге чаралар Бакырчы авылында, 5 февральдә Урта Балтай авылында узачак. Район үзәгендә Мәүлид чараларын Мәдәният йортында үткәрәчәкләр. Пәйгамбәребез Мөхәммәднең (сгв) туган көненә багышлап мөнәҗәтләр һәм нәшидләр укылачак. 2012 елның 30 гыйнварында Апаста "Ислам" балалар рәсемнәр күргәзмәсе үткән, әлеге күргәзмәдә 25тән артык яшүсмер катнашкан. Үткәрелгән чараларны җирле телевидение һәм ММЧ яктырткан.
