Әлмәт ислам мәдрәсәсе шәкертләре өмәдә катнашты

Р.Фәхреддин исемендәге Әлмәт ислам мәдрәсәсе шәкертләре “Яшел Россия” акциясе кысаларындагы өмәдә катнашып, яши торган җирлегебезнең чисталыгына һәм пөхтәлегенә ирешү максатыннан, Р.Фәхреддин исемендәге үзәк җәмигъ мәчете янындагы территорияне чүп-чардан арындырдылар.   Пәйгамбәребез Мөхәммәд (с.г.в.)  бер хәдисендә: “Аллаһ матурлыкны ярата, Аллаһ юмарт һәм юмартларны ярата, Аллаһ киң күңелле һәм киң күңеллеләрне ярата, Аллаһ чиста һәм чисталарны ярата. Шулай булгач, йорт тирәләрегезне чистартыгыз...”, - диелгән. Дәресләрдән соң күмәкләшеп өмәгә чыккан шәкертләр дә әнә шулай чисталык булдырырга тырышты, дип хәбәр итә almat-islam.ru .