21 гыйнварда Буа мөхтәсибәте Кыр энәле авылында вәгазь кичәсе оештырды. Мәхәллә халкына үзләренең теләкләрен һәм рәхмәт сүзләрен авыл имамы Расых хәзрәт һәм мөгаллимә Сания абыстай җиткерде.
Буа шәһәренең Хаҗилар мәчетенең 2-нче имамы Шамил хәзрәт үтемле итеп вәгазь сөйләде. Аерым сүрәләрдәге аятьләрнең мәгънәсен ачты. Мәхәллә халкын бу чара битараф калдырмады. Соңыннан сораулары туган кешеләр имамга үзләренең сорауларын бирде.
