Актаныш районы җәмигъ мәчетендә язгы каникул чорында ир-балалар өчен тәрбия Һәм Коръән Кәрим дәресләре оештырылды. Укулар 23-31 март көннәрендә бара. "Балаларны үзәк мәчетебезгә җыеп, ислам кыйммәтләре хакында сөйләдек. Гарәпчә уку хакында аңлатабыз, Изге китап теле сабакларын бирәбез. Динебезнең әдәпле, әхлаклы булырга өйрәтүе хакында җиткерәбез. Бала чактан мәчеткә йөргән, хәзрәтләребез белән аралашкан һәм динебез өйрәткәннәрне тыңлаган малайлар, Алла боерса, денле, тәртипле булып үсәрләр”, - дип саный Актаныш районы имам-мөхтәсибе Руслан хәзрәт Мортазин.
