Азнакай һәм Әлмәт мөслимәләренең җанлы очрашуы узды

Азнакайның Ак мәчетендә “Иман” мөслимәләр үзәге  һәм Әлмәт шәһәренең “Ихлас” төбәкара иҗтимагый берләшмә вәкилләре очрашты. Очрашу вакытында хатын-кызларыбыз һәркемне борчыган проблемалар хакында сөйләште, аларны хәл итү юлларын эзләде. Балаларга әдәп-әхлак тәрбиясе бирү, шулай ук яшь гаиләләрне мөстәкыйль тормыш юлына алдан ук әзерләргә кирәклеге ассызыкланды.  Хатын-кызның гаилә һәм милләтне тәрбияләүдә булган роле хакында  фикер алышу булды.