«Тәрбия дәресләре» циклыннан очрашулар дәвам итә

«Тәрбия дәресләре» циклыннан очрашуларның чираттагысы булып узды. Яшьләрнең күпсанлы сораулары буенча кичәгә Сәидә абыстай Аппакова килгән иде. Гаилә кору, яшьләрнең беренче уртак хыяллары һәм чынбарлык белән очрашулары хакында барган әңгәмәдә кичәгә килгән мөслимәләр бик теләп катнашты. Даими рәвештә һәр айның соңгы җомгасында уздырыла торган очрашуларга сезне дә көтеп калабыз.