Мәчетле булдык

20 август 2013 ел 13:56

Безнең Көлкәш авылының агачтан эшләнгән мәчете бик иске иде. Кайчандыр Зеленодол районы Акъегет авылы кешесе көче белән торгызылган булган. Шул көннән бирле бер мәртәбә сипләнеп, клуб һәм мәктәп вазыйфаларын да башкарды. Соңгы елларда ул бинаны без мәчет итеп файдаландык. Ул күпне күргән, нигезләре какшаган килеш агымдагы ремонт эшләрен көтте. Ниһаять, мәчет картлары белән ки­ңә­шеп Кызыл Тау бүлекчәсе җитәкчесе Рамил Шәрәфул­линга мөрәҗәгать итәргә булдык. Ул урынга килеп карап, ремонт ясарга ризалыгын белдерде. Кыска гына вакытта материаллар да барланды һәм ремонт эшләре дә башкарылды. Авыл җирлеге җитәкчесе Шәүкәт Гафаров, күршедәге Чәтбаш дигән авылдан Марсель Кадыйров һәм аның ике улы бу эшне башкарып чыктылар. Шулай итеп авылыбыз яңадан әйбәт мәчетле булды. Безгә ярдәм итүчеләргә, авыл халкына һәм төзүчеләргә теләкләр теләп, догалар кылдык.

 

Азат Гомәров,

Көлкәш авылы мәчете

имам-хатыйбы

"Ватаным Татарстан"

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана