Әдәп-әхлак гасыры

01 декабрь 2011 ел 18:56

Татарстан Республикасы мөселманнары Диния нәзарәте хезмәткәрләре 28 ноябрьдә Ереванда үткән Бәйсез Дәүләтләр Берлеге (СНГ) илләре Дин-ара советының президиум утырышында катнашты.

Миңа  БДБ илләренең мөселман, христиан, яһүд һәм будда динен тотучы җәмгыятьләренең җитәкчеләре һәм вәкилләре белән очрашу һәм алар белән безне борчыган  көн үзәгендәге сорау һәм проблемалар буенча фикер алышу мөмкинлеге бирелде.

Сезнең игътибарыгызга мин утырыш нәтиҗәләре буенча кабул ителгән документны тәкъдим итәсем килә.

Төп проблема һәм төрле начар эшләрнең чыганагы булып, җәмгыятьтәге әхлаклылыкның түбән дәрәҗәдә булуы тора.

Әхлаксызлык һәм рухи кыйммәтләрне санга сукмау кешеләрнең кыргыйлануына китергән кебек, җәмгыятьтәге аерым төркемнәренең дә кыргыйлануына китерә.

Моның  нәтиҗәсе буларак, этник һәм “дини” экстремизм барлыкка килә.

Якын Көнчыгышта һәм Төньяк Африкада баручы вакыйгаларга карап, без халыкларның табигый иреккә омтылышы тәртипсезлеккә, дин ирегенең, кеше хокукларының бозылуына алып килүен, аның уңышсыз  булуында шикләнмибез.

Шул ук вакытта без, рухи җитәкчеләр, XXI  гасырның афәте – террорчылыкның кешеләрдә әхлак башлангычы зәгыйфьләнүенең нәтиҗәсе икәнлеген раслыйбыз. Бер гаепсез кешеләрне үтерүчеләр, террактны оештыручылар кебек үк, коточкыч явызлыкларын эшләгәнче үк инде үз-үзләрен рухи яктан үтергән.

Шәхси әхлак югалу җәмгыятьнең әхлаксызлануына китерә. Без моны бик күп мисалларда күрә алабыз.

Кешеләр арасындагы мөнәсәбәтләр сату-алу яссылыгына күчә.
Гаилә турында традицион күзаллаулар бозыла, нәтиҗә буларак, алар тәртипсезлек, бозыклык, эгоизм һәм ваемсызлык учагына әйләнә. Әти-әниләре исән-сау була торып, балалар ятим кала, алар гаиләдә һәм мәктәптә әдәп-әхлак тәрбиясе алмый, физик һәм психик үсештән артта кала.

Массакүләм мәгълүмат чаралары да кешеләр алдында булган җаваплылыклары турында оныта һәм бу начар нәтиҗәләргә китерә. Сәясәт һәм әхлаклылыкның бәйләнеше турында искәртеп үтәсебез килә. Күп кенә кеше: “Сәясәт һәм әхлаклылык – бер-берсенә каршы”, – дип исәпли. Чыннан да, бүгенге көндә әдәп-әхлак кагыйдәләрен саклаучы сәясәтчеләр бик аз. Кызганыч, сәясәтчеләрнең әхлаксызлыгы җәмгыятьтә коррупция үсешенә юл куйды һәм ваемсызлык тудырды.

Без: “Әхлаклылык аерым кешенең иминлеген һәм бәхетен генә түгел, ә гомумән, халыкның уңышлылыгын билгели”, – дип исәплибез. ХХ гасыр фәнни-техник революция гасыры булган кебек, XXI гасыр әдәп-әхлак гасыры булыр, дигән өметтә калабыз.

Үзәкләшкән дини оешма –

ТР мөселманнары Диния нәзарәте рәисе,

мөфти Илдус хәзрәт ФӘИЗ

 

Башка журналлар

Шәмаил - татар мәдәнияте бренды

Термин буларак – Ираннан, ә формасы сурәт ясау тыелган төрекләрдән килә. Аның сөнни һәм шигый...

19 февраль 2016 ел 09:45

“Мәүлид ән-Нәби. Җан белән сөйләшү” дигән театральләштерелгән тамаша кеше күңеленең караңгы якларын фаш итеп, игелекле гамәлләрен данлый

Бүген Г. Камал исемендәге Татар дәүләт академия театры сәхнәсендә “Мәүлид ән-Нәби. Җан белән...

09 февраль 2016 ел 09:32

Йосыф Дәүләтшин: «Рәхимсез кешегә Аллаһның рәхмәте төшмәс»

Кешеләрнең гомер буе кылган эшләре, әйткән сүзләре фәрештәләр тарафыннан язы­лып, беркетелеп бара...

05 февраль 2016 ел 10:59
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана