Балык Бистәсе районы Чыршылы Елга авылында хаҗилар белән очрашу узды

07 сентябрь 2018 ел 09:44

Кичә Балык Бистәсе районы Чыршылы Елга авылы мәчетендә хаҗилар белән очрашу булды. Чарада быел хаҗ кылып кайткан мөселманнар сәфәр турындагы хис-кичерешләре белән уртаклашты. Кичәдә Балык Бистәсе районы имам-мөхтәсибе Рамазан хәзрәт Хисаметдинов, хаҗ сәфәре вакытында табиб вазифасын башкарган Госман Гомәр улы катнашты.

Вәгазьдән соң Чыршылы Елга авылы халкы шундый очрашуларның дәвамлы булуын теләп, хаҗиларга рәхмәтен белдерде. Кичә зәм-зәм суыннан авыз итү һәм дога кылу белән төгәлләнде.  

Быел Балык Бистәсе районыннан 13 кеше Татарстанның «ДУМ РТ Хаҗ» рәсми хаҗ операторы программасы буенча хаҗ кылу бәхетенә иреште. Гомумән алганда, быел 1800 татарстанлы хаҗ сәфәрендә булып кайтты. Аларның барысы да «ДУМ РТ Хаҗ» рәсми хаҗ операторын сайлады. 

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана