Бүген Татарстан мөфтие Камил хәзрәт Сәмигуллин Апанай мәчетендә кыз балалар өчен оештырылган җәйге курсларга йөрүче балалар янында булды. Сабыйларга ул динебез хикмәтләре хакында сөйләде.
Әлеге очрашуда шулай ук Апанай мәчете имам-хатыйбы Нияз хәзрәт Сабиров, курсларны алып баручы мөгаллимнәр катнашты.
Апанай мәчетендә җәйге дәресләр балалар өчен 11 июльдә ачылды. Биредә кыз-балалар 23 июльгә кадәр дин нигезләре, милли гореф-гадәтләребез белән танышалар. Алар өчен махсус мавыктыргыч чаралар, шәхесләр белән очрашулар оештырыла. 25 июльдән башлап, ир балаларны җыярга ниятлиләр.
