Белгәнебезчә, Болгарда ислам академиясе төзелә. Әлеге олуг эшкә хәйрия ярдәме күрсәтеп, үз өлешләрен кертергә теләүчеләр бар. Мәсәлән, Татарстанның бер эшкуары, үзенең исемен атамауны үтенеп, төзелешкә 10 мең кирпич китерде.
Шулай ук Казанның Идел буе районында яшәүче Лалә апа төзелешкә 3 мең сум хәйрия акчасы бирде.
Нәзарәтнең “Зәкят” хәйрия фонды академия төзелешенә битараф калмаучыларга рәхмәтен белдерә. Аллаһы Тәгалә хәер бирүчеләрнең сәдакаләрен кабуллардан кылып, үзләренә иминлек, бәрәкәт насыйп итсен!
