Саба мөселман активистлары изге Рамазан ае барышында Аллаһнын рәхмәтенә ирешүгә өмет итеп ифтар ашлары үткәрүдә катнашты. Июль һәм август айларында җиң сызганып рухи-сәламәтләндерү үзәкләрдә балаларның җәйге ялларын оештырдылар һәм мөселман сабантуена әзерлек алып бардылар.
Күптән түгел генә үзәктә соңгы сменаның ябылу тантанасы булган һәм мөселман яшьләре Мишә елгасы буенда үзләре өчен дә ял оештырырга булганнар. Елганың бормаланып аккан бер матур урынында табын корганнар, казанда аш пешергәннәр, гөрләтеп самовар кайнатканнар һәм күңелле итеп сөйләшеп, уеннар уйнап ял иткәннәр.
