12нче гыйнвар көнне Әлмәт шәһәренең Җәмигъ мәчетендә I Республикакүләм Ислам китабы фестивале үтәчәк. Ул республиканың төрле почмакларыннан килгән әдәбиятчыларны, укучыларны һәм нәшриятларны берләштереп, күп гасырлык Ислам фикере традицияләре белән таныштырачак. Фестиваль Әлмәт мөхтәсибәте тарафыннан Татарстан Республикасы Язучылар берлеге белән берлектә оештырыла.
Әлеге чара кысаларында үзләренең басмаларын тәкъдим итүче һәм ислам китабы дөньясындагы үсеш-үзгәрешкә күзәтү ясаучы танылган нәшриятларның чыгышлары көтелә. Презентацияләр интерактив форматта үтәчәк, бу барлык кызыксынучыларга әдәбият дөньясына якынаерга, шулай ук авторларга һәм нәширләргә сораулар бирергә мөмкинлек бирәчәк.
Әдәбият сөючеләр өчен, китаплар ярминкәсендә бик зур сайлау мөмкинлеге булачак: сирәк басмаларны да кертеп, классик әсәрләрдән алып заманча шедеврларга кадәр.
Моннан тыш, балалар өчен мастер-класслар үткәреләчәк, анда алар тәҗрибәле укытучылар белән интерактив дәресләр аша үз күнекмәләрен үстереп, укуга һәм иҗатка булган мәхәббәтләрен ача алачак.
I Республикакүләм Ислам китабы фестиваленә рәхит итегез! Әлеге вакыйга сезнең күңелләрдә озак вакыт сакланыр һәм яңа иҗади үрләргә илһамландырыр.
Фестивальнең үткәрелү вакыты: сәг.13.00-дән 18.00-гә кадәр.
Үткәрелү урыны: Ризаэтдин Фәхретдин ис. Үзәк мәчет стилобаты.
