Татарстан Республикасы мөселманнарының Диния нәзарәте һәм республика мөхтәсибәтләре Әхмәтһади Максудиның «Гыйбадәте исламия» исемле китабы буенча балалар арасында викторина үткәрә. Викторина яшьләргә рухи-әхлакый тәрбия бирүне, ислам нигезләре белемнәрен арттыру максатыннан "Әбү Хәнифә мәзһәбе елы" кысаларында уздырыла.
Викторинаны үткәрү вакытлары: район туры - 2016 елның октябрендә, төбәк туры – 2016 елның ноябрендә, Республика туры – 2016 елның 24 декабрендә. Әлеге викторинада 10-15 яшьлек малайлар һәм кызлар катнаша ала.
