Лениногорскиның “Ихлас” мәчетендә ислам нигезләрен өйрәнергә теләүчеләр җыелышы булып узды.
Мәчеткә килүчеләргә Булат хәзрәт Рәүпов гыйлем алуның дәрәҗәсен, мөһимлеген аңлатты. Габдерәзәк хәзрәт Гыймранов дәресләр расписаниясе хакында җиткереп, сорауларга җавап бирде. Ләйлә ханым хатын-кызларны “Мөслимә” клубына чакырды. Мәчет оештырган чараларда актив катнашырга өндәде. Җыелышта мөгаллимнәр дә катнашты һәм алар үзләренең дәресләре турында мәгълүмат җиткерде.
Шунысы куандыра, җыелышка килүчеләр, гыйлем тупларга теләүчеләр шактый иде.
Мәчеттә гыйлем алуга кагылышлы сорауларны түбәндәге телефонга шалтыратып та белешергә мөмкин: 8(85595) 5-10-10/ 89178563077. Моннан тыш “ВК”да һәм инстаграмда “Ислам в Лениногорске” төркемнәрендә мәгълүматлар бар.
