Татарстан мөфтие Камил хәзрәт Сәмигуллин кушуы буенча, “Ярдәм” мәчете Покров шәһәре имамына яңа басылган 30 Коръән юллаячак. Покров имамы дөнья стандартларына туры китереп әзерләнгән Изге Китапның яңа нөсхәсен Владимир өлкәсе колонияләренә таратачаклар.
Бүгенге көндә бу өлкәдә сигез колония эшли. Тоткыннар арасында мөселманнар да бар.
Мәгълүм булганча, ТР МДН тарафыннан ике елга вакыт дәвамында Коръәннең яңа нөсхәсе әзерләнде. Күптән түгел 5 мең тираж белән дөнья күрде һәм сатуга чыкты. Шулай ук аны мәдрәсәләргә, тоткыннарга тарату ниятләнелгән иде.
