23 октябрь көнне Балтачның "Раиф" мәчетендә Әхмәдһади Максудиның "Гыйбадәте Исламия" китабы буенча викторинаның район туры узды. Бәйгегә җыелган 66 малай һәм кыз бала китабның эчтәлеген белүдә гыйлемнәрен сынадылар. Сорауларга җавап биреп бетергәч балалар тәмле пылау белән сыйландылар.
Катнашкан һәрбер балага кучтәнәч дә таратылды. Район турында җиңүче дип табылган 3 малай һәм 3 кыз төбәк турында катнашу хокукына ия булды.
