“Ярдәм” укыту-тернәкләндерү үзәгендә ДЦП диагнозлы, култык таяклары белән һәм арбада йөрүчеләр өчен тернәкләндерү курслары башлана.
Курслар 19 ноябрьдән алып 4 декабрьгә кадәр барачак. Анда Татарстан Республикасы һәм Россия Федерациясеннән, якын һәм ерак чит илләрдән килгән кешеләр белем алачак.
Курсларга 18 яше тулган инвалидлар кабул ителә. Нинди милләттән һәм нинди дин тотуы мөһим түгел.
Курслар вакытында төрле остаз мәктәпләре, тренинглар, “түгәрәк өстәл”ләр узачак. Шулай ук мәдәни, спорт чаралары, экскурсияләр, табигатькә чыгулар да булачак.
tatar-islam.com
