27 ноябрьдә Кайбыч районындагы мәхәлләләр арасында үткәрелгән “Гыйбадәте Исламия” китабы буенча викторинада беренчелекне яулаган Булат Хуҗин һәм Әлфия Шаһиева, өлкәннәр арасында Коръән уку бәйгесендә катнашкан Мөслимә Яруллина һәм Фирнат Өметбаев Тәтеш шәһәрендә казыят ярышларында катнашып алдынгы урыннарны яуладылар.
“Гыйбадәте Исламия” китабы буенча ярышта кайбычлылар икесе дә икенче урынны яулады.
Коръән бәйгесендә Мөслимә Яруллина хатын-кызлар арасында - икенче урынны, ә Фирнат ирләр арасында - дүртенче урынны яулады. Кайбыч районы мөхтәсибәте әлеге чараны оештыручы төбәк казыятенә һәм имам-мөхтәсиб Инсаф хәзрәткә олы рәхмәтләрен белдерә.
