Бүген Диния нәзарәтендә тарих фәннәре докторы, доцент, ТР атказанган мәдәният хезмәткәре, Ислам динен кабул итүгә 1000 ел исемендәге мәдрәсә мөгаллиме Наил Измаил улы Таировка махсус медаль тапшырылды. Мөгаллимне “Халкыбызга хезмәт өчен” медале белән Татарстан мөфтие Камил хәзрәт Сәмигуллин үзе бүләкләде һәм рәхмәт сүзләрен ирештерде. "Аллаһ Тәгалә һәр эшегездә сезгә Үзенең бәрәкәтен һәм өммәтебезне рухи яктан ныгытуга, аны гыйлемле итүгә керткән эшчәнлелегез өчен әҗер-савапларын бирсен", - дип теләде Камил хәзрәт.
Наил Исмәгыйль улы Таиров – профессор, Татарстанның атказанган мәдәният хезмәткәре. Ул заманында Ульяновск дәүләт педагогия институтын бетергән. Ислам динен кабул итүгә 1000 ел исемендәге Казан югары мөселман мәдрәсәсендә 1998 нче елдан бирле «Татар халкы һәм Татарстан тарихы» буенча чыгышлар ясый .
Бүгенге тантаналы чарада мәдрәсә ректоры Ильяс хәзрәт Җиһаншин да катнашты.
.
