Саба районың Килдебәк авылы мәчетендә, мәчетне төзетүдә башлап йөргән, Дәүли хәзрәтнең вафатыннан соң Имам вазыйфаларын башкарган,Тимербай Хәзрәт Зарипов искә алу мәҗлесе үтте. Хәзрәт имам вазыйфаларын яшьләргә тапшырганнан соң, Саба районы Мөхтәсибәтенең "Ак сакаллар" шурасы рәисе булып һәм гошер җыеп республикабыз мәдрәсәләренә 10 ел дәверендә тапшырып баруны үзенә вазыйфа итеп алган иде.
Арабыздан бакыйлыкка күчүенә дә бер ел ваыт үтте. Мәҗлестә мәчеткә йөрүче авыл халкы, имам-хатыйб Нияз Хәзрәт Заһидуллин, Тимербай хәзрәтнең оныгы һәм Район имам-мөхтәсибенең яшьләр белән эшләү буенча урынбасары Алмаз Хәзрәт Галимҗановлар катнашты. Алмаз хәзрәт һәр кеше үзеннән соң изгелек калдырырга тиешлеге хакында вәгазь сөйләде.
Мәҗлес Тимербай хәзрәтнең рухына Корьән укып багышлау белән дәвам итте һәм мул өстәл артында чәй эчү белән күркәм генә тәмамланды.
