Бүген Арча районына эшлекле сәфәре кысаларында мөфти Камил хәзрәт Сәмигуллин район башлыгы Илшат Нуриев белән очрашты. Әлеге очрашуда мөфтинең урынбасары Рөстәм хәзрәт Хәйруллин, Татарстанның баш казые Җәлил хәзрәт Фазлыев, Совет районы имам-мөхтәсибе Рөстәм хәзрәт Вәлиуллин, Арча районы имам-мөхтәсибе Раил хәзрәт Гыйләҗев, Теләче районы имам-мөхтәсибе Исмәгыйль хәзрәт Фәләхиев катнашты.
Сөйләшү барышында хәзрәтләр район башлыгы белән Арчадагы дини вәзгыять, җирле мөхтәсибәтнең эшчәнлеге һәм агымдагы елда район күләмендә оештырылачак чаралар хакында сөйләште.
